Këshilli i Shtetit në Itali, ose ndryshe gjykata më e lartë e çështjeve administrative, u ka dhënë fund spekulimeve për titullin e vitit 2006 në Seria A që mbahet nga Interi pas dënimit të Juventusit për çështjen ‘kalçopuli’.
Ishte Juventus që e kishte dërguar çështjen në këtë pikë, pasi më herët të gjithë gjykatat i kishin dhënë të drejtë Federatës Italianë të Futbollit, Interit dhe Komitetit Olimpik Kombëtar Italian. Sipas ‘ANSA-s’, edhe Këshilli i Shtetit, e ka lënë titullin e 2006 te Interi.
Ky është refuzimi i njëzet e një nga apeli për Juventusin në lidhje me këtë çështje, pasi që në vitin 2011 këshilli i FIGC-së i kishte thënë jo kërkesës për revokimin, të paraqitur nga bardhezinjtë, të vendimit të Guido Rosi-t dhe në të njëjtën vit TAS i Lazio-s u deklarua i paaftë për të ndërhyrë.
