Gjykata e Tiranës ka vendosur ekstradimin e hakerit kinez Liangbin Chen. 32-vjeçari me profesion programues kompjuterik rezultonte në kërkim ndërkombëtar dhe akuzohej për “Mashtrim me pasoja të rënda”.
Ai u arrestua në aeroportin e Rinasit rreth orës 14:00 të datës 11 korrik të këtij viti gjatë kontrolleve të pasagjerëve të linjës ajrore “Air Albania”, në fluturimin Londër-Tiranë.
Fillimisht Gjykata e Tiranës la në fuqi masën e sigurisë “arrest me burg”, por Chen kërkoi zbutjen e saj dhe largimin nga qelia, për shkak se pretendonte që kishte sëmundje në kokë.
Vendimi i Gjykatës:
Lejimin e ekstradimit te shtetasit L. Ch. në Republikën Popullore të Kinës per efekt te zbatimit te vendimit penal r. DG (X) BZ (2022) 00055, date 20.05.2022, të Gjykatës Deging, të Provincës Zhejiang/Kine.
Rrezimin e kërkesës per revokimin e mases se sigurimit “arrest ne shtepi” te dhene ndaj shtetasit L. Ch.
Një kopje e këtij vendimi t’i komunikohet Ministrise se Drejtësise së Republikes se Shqipërisë dhe Ambasadès sè Republikën Popullore të Kinës. Shpenzimet proceduriale siç janë bërë. Kunder ketij vendimi lejohet ankim në giykatën e Apelit Tiranë brenda 10 ditëve.
Pse akuzohet Chen?
Chen është koka e një grupi që me seli në qytetin Huzhoi në Kinë, ndërsa mashtrimet i ka kryer në të gjithë botën. Përmes platformave online ku jepeshin shtëpi, kompjutera dhe telefona, ai ia ka dalë të kryejë një mashtrim me vlerë 1 miliardë yen kinezë. 32-vjeçari, me profesion programues kompjuterik, u arrestua si kreu i një grupi kriminal që ishte shpallur në kërkim ndërkombëtar për akuzën e “Mashtrimit” me pasoja të rënda. Ky grup kriminal ka mashtruar dhjetëra qytetarë kinezë, ndërkohë aktiviteti ka qenë i shtrirë edhe në Dubai. Platforma e ngritur online u mbyll dhe Chen bashkë me bashkëpunëtorët u zhdukën me 1 miliard jen, ose 145 milionë euro. 32-vjeçari mbërriti në Shqipëri nga Dubai dhe dyshohet se do të fshihej në vendin tonë.
j.l./ dita
