Një kandidat për deputet i partisë AK në Turqi ka dhënë ndihmën e parë mjekësore ndaj disa personave të plagosur si pasojë e një aksidenti të rëndë, që ndodhi në qytetin e Afyonkarahisar.
Hasan Arslan, i cili ishte duke udhëtuar me autokolonën e tij zgjedhore në të njëjtën rrugë, e ndali menjëherë makinën për t’iu gjendur pranë të plagosurve.
Madje, njërës prej pasagjereve në mjetin e aksidentuar, e cila ishte bllokuar brenda, ai i bëri masazh kardiak dhe frymëmarrje artificiale, pasi ajo ishte në gjendje të rëndë mjekësore, ndërsa ka pritur ardhjen e ekipeve të emergjencës.
Ndërkohë, ai ka ndihmuar edhe të plagosur e tjerë që të futen brenda në ambulanca për t’u dërguar më pas në spital.
Nga ky aksident i rëndë mbetën të plagosur shtatë persona, ndërsa pasagjerja, të cilës kandidati i dha ndihmën e parë, nuk arriti t’i mbijetojë plagëve të marra dhe ka ndërruar jetë në spital.
