Kaos në Kuvend, PS rrëzon propozimin e Bashës, tërheq nga votimi projektligjin për “Lojërat e Fatit”

Ka nisur mes kaosit dhe tensioneve seanca e sotme në Kuvendin e Shqipërisë.

Me zhurmues e bilbila deputetët e Bardhit dhe të Berishës kanë bllokuar sërish zhvillimin e punimeve normale të Kuvendit. Seanca e sotme vijoi mes kaosit ku edhe u votuan projektligjet mes zhurmuesve nga “Foltoristët”.

Ndërsa deputeti Edi Paloka ka djegur rregulloren e Kuvendit.

Partia Socialiste votoi kundër amendamentit për Kosovën për t’i dhënë 50 milionë dollarë ndihmë, ndërsa kreu i PD Lulzim Basha heshti në këtë seancë nuk mori fjalën por as edhe nuk votoi.

Pritej që sot të votohej rikthimi i basteve online, por sot ndodhi e kundërta pasi është hequr nga rendi i ditës votimi për bastet online.

Në një kohë që deputetët ishin duke protestuar, maxhoranca ka votuar me 74 vota pro, heqjen nga rendi i ditës i nismës ligjore për lojërat e fatit.

“Me kërkesë të Grupit të PS është kërkuar tërheqja nga diskimit i projektligjit për lojërat e fatit. Miratohet më 74 vota pro”, u shpreh Nikolla.

Të përjashtuarit e PD nga Komisioni i Etikës, pas trazirave dhe përplasjeve të shkaktuara në seancë dhe Komisionin e Reformës Zgjedhore:

1-Albana Vokshi
2-Sorina Koti
3-Elda Hoti
4-Lindita Metaliaj
5-Isuf Cela
6-Tritan Shehu
7-Lefter Geshtenja
8-Helidon Bushati
9-Xhelal Mziu
10-Edmond Spaho
11-Oerd Bylykbashi
12-Ervin Salianji
13-Saimir Korreshi
14-Kasem Mahmutaj
15-Ramadan Likaj
16-Kastriot Piroli
17-Qani Xhafa
18-Lodovik Hasani
19-Luan Baçi
20-Bledion Nallbati
21-Asllan Dogjani
22-Flamur Noka
23-Gazmend Bardhi

Kujtojmë se kreu i Partisë Demokratike Lulzim Basha bashkë me deputetët e tij, ka mbërritur rreth 1 orë para në Kuvend.

j.l./ dita