Sali Berisha për 10 ditët e ardhshme nuk do të marrë pjesë në seancat plenare.
Ky është vendimi i marrë vetëm me votat e anëtarëve socialistë në Sekretariatit për Procedurat, Votimet dhe Etikën.
Për Berishën ky është përjashtimi i dytë nga pjesëmarrja në kuvend, në harkun kohorë të dy muajve.
Bashkë me Sali Berishën të njëjtin ndëshkim mori edhe deputeti Flamur Noka. Edi Paloka dhe Belind Këlliçit u përjashtuan me nga 5 ditë secili.
Përjashtimi i katër deputeteve demokratë erdhi pas kërkesës të shtatë deputetëve socialistë. Në kërkesë thuhej se Flamur Noka me veprimet e përsëritura pengoi zhvillimin normal të seancës.
Ndërsa Sali Berisha përdori një gjuhë jo parlamentare. Edi Paloka dhe Belind Këlliçit, u ndëshkuan, pasi në bashkëpunim me Berishën dhe Nokën morën pjesë në veprime bllokuese të foltores së parlamentit, seancën e shkuar të së hënës.
o.j/dita
