U kapën në flagrancë duke transportuar lëndë drusore të prerë ilegalisht, procedohen penalisht 4 shtetas në Dibër.
Ndërsa ka sekuestruar lëndën drusore dhe automjetet me të cilat po i transportonin ato, policia bën me dije se ka nisur procedimi penal për shtetasit : L.L., 23 vjeç; A.K., 25 vjeç; J.M., 38 vjeç, banues në Dibër, si dhe M.S., 41 vjeç, banues në Bulqizë.
Këta shtetas në vende të ndryshme, janë konstatuar dhe ndaluar nga shërbimet e Policisë duke transportuar lëndë drusore e prerë në kundërshtim me ligjin.
Lënda drusore, së bashku me automjetet, u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
Kontrolle të tilla do të vijojnë në të gjithë territorin e qarkut Dibër, me qëllim parandalimin, evidentimin dhe goditjen e krimeve mjedisore.
p.k\dita
