Kapen mbi 100 kg kanabis në Korçë, e kishin fshehur në shufra hekuri brenda kamionit

Mico Rexhepis dhe Arben Marku dy punonjës të një kompanie private në Korçë kanë rënë në prangat e policisë paraditen e kësaj të mërkure.

Dy punonjësve u janë sekuestruar 101 kg kanabis të cilat e kishin fshehur në shufra plastike në rimorkion e kamionit për ta trafikuar në Turqi, njëri prej të cilëve ishte transportuesi i saj.

Në kuadër të operacionit Restart numri i të ndaluarve ka shkuar në 25 në 666.5 kilogramë lëndë narkotike kanabis dhe 550 gramë kanabis në formë çokollate, të sekuestruara.

Kjo ishte faza e njëmbëdhjtë e operacionit policor të koduar “Restart”, startuar nëntë muaj më parë. Në kuadër të këtij operacioni, për goditjen e një grupi kriminal në fushën e shpërndarjes dhe trafikimit të lëndëve narkotike në drejtim të shtetit grek, u arrestuan 20 persona. Në bashkëpunim me Prokurorinë, po vijon puna për dokumentimin e plotë të ngjarjes dhe vënien para përgjegjësisë penale të personave të tjerë të implikuar në këtë veprimtari kriminale.

Materialet i kaluan Prokurorisë së Rrethit Gjyqësor Korçë, për veprime të mëtejshme.

o.j/dits