Një 39-vjeçar ka rënë në prangat e policisë së Durrësit, pasi është dënuar me 18 vite burg për vrasje me dashje.
Në pranga ka rënë Afrim Kila, 39 vjeç, banues në Ishëm, Durrës, pasi Gjykata e Shkallës së Parë të Juridiksionit të Përgjithshëm Durrës ka dënuar këtë shtetas me 18 vjet burgim. Shtetasi Afrim Kila së fundi ishte me masë sigurie “Arrest në shtëpi”.
Më datë 19.05.2023, në përfundim të hetimeve për ngjarjen e ndodhur në vitin 2020, në ambientet e një lokali, në Ishëm, ku shtetasi Afrim Kila goditi me mjete të forta dhe më pas në rrugë e goditi me automjet, shtetasin D. (P). K., i cili si pasojë e plagëve të marra humbi jetën në spital, Gjykata e Shkallës së Parë të Juridiksionit të Përgjithshëm Durrës e ka deklaruar fajtor këtë shtetas dhe e ka dënuar me 18 vjet burgim, për veprën penale “vrasja me dashje”.
