Një lajm i mirë për vjen edhe për studentët e Universitetit “Aleksandër Xhuvani” në Elbasan. Edhe për ta do të jetë në funksion shumë shpejt Karta e Studentit. Një ditë më parë ministrja e Arsimit dhe Sportit Evis Kushi ka bërë me dije se së bashku me kryetarin e Bashkisë së këtij qyteti Gledian Llatja, do të nënshkruhet marrëveshja për Kartën e Studentit, e cila do të ofrojë një numër shërbimesh nga Bashkia në mbështetje të studentëve.
Konfirmimi u bë gjatë Konferencës së Dytë Ndërkombëtare Studentore “Sfidat e gjeneratave të reja për një të ardhme të qëndrueshme”, ku 120 studentë prezantuan punimet e tyre cilësore.
Sipas autoriteteve të arsimit të lartë, angazhimi i universiteteve shqiptare në projekte me financim kombëtar dhe ndërkombëtar, ka bërë që edhe studentët të kenë më shumë mundësi për të përfituar nga kërkimi shkencor. Universiteti i Elbasanit në vitet e fundit ka fituar shumë projekte, ku projekti më i rëndësishëm infrastrukturor me mbështetje nga Qeveria Shqiptare është digjitalizimi i bibliotekës , që u vjen në ndihmë si studentëve ashtu edhe stafit akademik.
p.k\dita
