Ilir Meta reagon pasi SPAK zbuloi një tjetër episod të dyshuar korrupsioni.
Ai ka reaguar me një postim në rrjetet sociale.
Reagimi i plotë i Ilir Metës:
Në respekt të qytetarëve, të cilëve u kam shërbyer edhe si President i Republikës, edhe si Kryeministër edhe si Kryetar i Kuvendit, edhe në funksione të tjera ekzekutive dhe parlamentare, distancohem me neveri nga dizinformacionet e shpërndara dhe të rrjedhura në media me urdhër të Edi Ramës dhe Altin Dumanit, për gjoja episode të reja të çiftit Meta-Kryemadhi.
Unë e mirëkuptoj pasionin e tyre për të mbajtur me pahir në opinion një çift, që nuk ekziston më as juridikisht prej një viti.
Madje pasioni i Altin Dumanit është “kaq i zjarrtë” për të mbajtur gjallë këtë çift në publik dhe në shërbim të hetimeve të tij prej 6 vitesh me urdhër të Charles McGonigalit dhe Edi Ramës, që nga dhjetori 2019, aq sa edhe në akuzën si i pandehur që m’u komunikua më 27 maj, statusin tim e kishin ende i martuar, kur ndërkohë që ky status nuk ekziston juridikisht prej 1 viti.
Akoma më të turpshme janë lajmet që qenka zbuluar një kartë e paligjshme që implikon Ilir Metën.
Asnjë akt i paligjshëm as nuk ka ndodhur dhe as nuk mund të ndodhë nga Ilir Meta, as në Republikën e Shqipërisë, as në SHBA dhe as në një vend tjetër.
Opinioni publik do ta shohë këtë gjatë gjykimit në themel, që nuk mund të jetë i mbyllur si “listat e mbyllura,” por do të jetë i hapur për qytetarët, ku ne do të çmontojmë akuzat e shërbëtorëve të Edi Ramës dhe ku të gjithë do t’i shohin edhe “dëshmitarët” të Edi Ramës.
Ilir Meta mban përgjegjësi vetëm për Ilir Metën dhe për askënd tjetër. Ilir Meta nuk mban përgjegjësi as për fëmijët e tij, që i ka në moshë madhore dhe i ka këshilluar që gjithmonë të jenë shembull i respektimit të ligjit dhe aq më tepër nuk mund të mbajë përgjegjësi për kushërinjtë e tij, pasi siç e dini një prej tyre ishte edhe mik me Charles McGonigalin, iniciatorin me kërkesë të Edi Ramës për nisjen e hetimeve ndaj Ilir Metës edhe për çështjen CEZ-DIA edhe për çështjen Bami.
Por prokurorët e Ramës i kërkojnë Ilir Metës të mbajë përgjegjësi për kushërinjtë, shokët dhe shoqet e të tjerëve.
Meqë jemi te lobimet dhe Kryesia e Partisë së Lirisë e ka shumë të qartë, për opinionin publik kam një pyetje: Po letërporosia për Charles McGongial, që ka 4 vite i dënuar, është dërguar apo po vonon ngaqë e kanë nisur “me not”?
E falenderoj me mirënjohje, avokatin tim, Z. Kujtim Cakrani për mbrojtjen e shkëlqyer dhe parimore!
j.l./ dita
Shtrengo sumen Like, faktet e korrupsionit financiar jane te shkruara, nuk i fshin dot.
Drejtesia po sjell kriminelet nga Dubai, nga Londra, prandaj pergatitu te perballesh me faturat financiare qe ke ne gjithe boten, hajdut.
Po mire more superhajdut,cfare lidhje ka mekgonigalleshi me problemet e tua?! Pergjigju akuzave qe te jane bere,te tjeret do pergjigjen per te tyret kur te vij koha.Ka gjithmone nje kohe per te gjithe.
Ilir Meta,ky ordiner si hajdut dhe si njeri per fat te keq me ndihmen e Sigurimit te Shtetit dhe Sali Berishes ka qene ne krye te shtetit shqiptar ku vodhi e beri korrupsion ne permasa te papara vete,me gruan dhe nje tufe horrash.Izolimi dhe ndjekja penale ka ndikuar shume pozitivisht ne shoqerine shqiptare dhe besimin te Drejtesia per goditjen e krimit ne nivelet e larta te pushtetit.Bashke me Sali Berishen jane rast i paprecedent ne Europe e me gjere sa i perket abuzimit te politikaneve te larte.
Kam besim te plote tek SPAK.