Komisioni i Ankesave dhe Sanksioneve nuk ka mundur të gjejë një qëndrim të përbashkët mes anëtarëve për të dërguar në prokurori numëruesit e votave të zgjedhjeve të 11 majit në qarkun e Fierit, ku gjatë procesit të rinumërimit u konstatuan mospërputhje të theksuara votash.
Për këtë arsye, KAS i është drejtuar me një shkresë zyrtare Komisionerit Shtetëror të Zgjedhjeve, Ilirjan Celibashi, të cilit i kërkon që të nisë një hetim administrativ. Ky hetim, sipas tyre, nuk duhet të nisë vetëm për qarkun e Fierit, por edhe për qarqet e tjera ku pati rinumërim, si Tirana, Durrësi dhe Elbasani.
Në shkresën drejtuar Celibashit, KAS kërkon që KQZ të identifikojë numëruesit dhe më pas të nisë një hetim të thelluar për të zbuluar përgjegjësit e secilit numërues.
Nëpërmjet këtij qëndrimi, Komisioni i Ankesave dhe Sanksioneve ia lë në dorë Celibashit të ndajë nëse kemi të bëjmë me krime zgjedhore, apo gabime njerëzore. “Ky hetim administrativ ka rëndësi për të identifikuar dhe për të dalluar rastet kur formojnë kundërvajtje administrative, rastet me dyshime të arsyeshme për kryerjen e veprave penale në fushën e zgjedhjeve, nga rastet që nuk formojnë shkak për procedim”, shprehen anëtarët e KAS.
Nga procesi i rinumërimit në katër qarqe, në të vetmin qark që pati ndryshime në shpërndarjen e mandatit brenda listës ishte Fieri. Në këtë qark, Zegjine Caushi nga lista e PS e humbi mandatin e saj, duke i kaluar Maldrita Bardhos.
Por, vetëm pak orë nga marrja e mandatit, Bardho deklaroi dorëheqjen e saj nga mandati, duke ia lënë përsëri vendin në parlament Zegjine Caushit.
j.l./ dita
Lexova nje artikull nga Matlija per fshatar dibranin nga trute Dumani! Nuk mund te jete qytetar Dumani,fshatar ka lindur i tille do te vdese! Pastrojeni SPAK Z. Rama!
Ku eshte qellimu!?Te fusin ne burg ca te papune,qe e pranuan ate pune,per page sterminimale!?
Askush ka te drejte te ndryshoje drejtimin e votes,jo ca kopila numurues.Ti plasi koka ne burg,se miu vogel ben hatane e madhe. Kam qene anetar i KZAZ ne 97,kur nje qender votimi qe bente diferencen na solli kutite te shqelmuara,te shqyera nga keta kopila numurues,qe te fitonte X kandidat dhe kutite mos numuroheshin.Vendosem me vote qe kutite e Qendres votimit te numurohen dhe Rezultati u permbys ne favor te kandidatit Y.
Kopilat e vegjel e bejne demin te madh,prandaj ne BURG ficorrat.