Biznesmeni Eral Myftaraj është kërcënuar nga biznesmeni Shaqir Alcani që të tërhiqej nga një tender, ku ishin të dy konkurrues për ta përfituar. Në bazë të të dhënave hetimore të deritanishme, më datë 4 prill biznesmeni Eral Mytaraj është shpallur fitues i një tenderi për blerjen e lëndëve djegëse dhe shpërndarje në objektet arsimore, me kompaninë e tij ‘AL-MEXWOOD sh.p.k’. Sipas të dhënave fituese është shpallur kompania e Myftarajt, me ofertën më të ulët prej 63859260 milionë lekë. Në garë ishte edhe kompania e ‘Alcani sh.p.k’, e cila ka dhënë ofertën më të madhe prej 96001754.2 milionë lekë, pra edhe mbi fondin limit të caktuar nga bashkia. Po ashtu, në garë ishte edhe kompania ‘REDI PELLET sh.p.k’, e cila është shkualifikuar, pasi nuk plotësonte kriteret teknike.
