Banesa e një nënoficeri të Forcave Ajrore në Itali u sulmua me armë zjarri mbrëmjen e së shtunës dhe sipas mediave italiane autorët dyshohet të jenë një grup kriminal shqiptar.
Ata kanë qëlluar të paktën 20 herë në drejtim të banesës që ndodhet në Muro Leçese. Ngjarja është mbyllur pa të lënduar, por vetëm me dëme materiale, duke nënkuptuar se ka qenë një mesazh për nënoficerin.
Karabinierët po hetojnë dhe nuk përjashtojnë faktin që mund të bëhet fjalë për një ngatërresë dhe se autorët kanë pasur tjetër person në shënjestër.
Sulmi mendohet të ketë zgjatur vetëm disa sekonda, bazuar në pamjet që ka siguruar grupi hetimor. Hetimet vijojnë dhe pritet të merret në pyetje çdo banor, që mund të ketë parë apo dëgjuar diçka.
m.b./dita
