48-vjeçari Alban Çoba i cili u shpall në kërkim nga Policia e Sarandës një ditë më parë, pasi kanosi një klient me thikë, është gjobitur nga Autoriteti Kombëtar i Ushqimit.
Sipas njoftimit zyrtar, bëhet me dije se specialistët e AKU-së kanë vendosur masën administrative prej 300 mijë lekësh të rinj në restorantin ku dhe ndodhi përplasja me klientin.
Kjo për shkak se kishte tatime të papaguara.
Njoftimi i plotë:
Nga specialistët për Hetimin e Krimeve në Komisariatin e Policisë Sarandë u referuan materialet shtesë në Prokurori, për shtetasin e shpallur në kërkim A. Ç., 48 vjeç, pasi gjatë kontrollit në subjektin e tij, ku ditën e djeshme ky shtetas kanosi me mjet prerës thikë, disa klientë, shërbimet e Policisë kanë konstatuar se ky shtetas ushtronte aktivitetin pa u regjistruar në organet tatimore. Gjithashtu, nga specialistët e AKU-së iu vendos masa administrative 300.000 lekë të rinj. Vijon puna për kapjen e shtetasit A. Ç.
Çoba u shpall në kërkim nga policia pasi u konfliktua me disa klientë. Këta të fundit nuk kishin pranuar të paguanin faturën e darkës që kishin konsumuar dhe 48-vjeçari është konfliktuar me ta, në debat e sipër,
Çoba ka marrë thikën dhe i ka ndjekur duke i kanosur. Më pas është njoftuar polica dhe pronari i restorantit është shpallur në kërkim.
j.l./ dita
