Një i moshuar 80-vjeçar është arrestuar sot nga Policia e Matit, sepse akuzohet se kërcënoi me armë zjarri një person të identifikuar me inicialet K.K., për arsye të konfliktit për shkak të pronës.
Burime zyrtare bënë me dije se i moshuari Ibrahim Lika, ka qenë edhe i dënuar më parë për vrasje. Ndërsa gjatë kontrollit në shtëpinë e tij, në lagjen ‘Pjetër Budi’ të Burrelit, u zbulua municion luftarak. Policia sekuestroi armën e zjarrit automatik 3 krehra me 82 fishekë dhe dy granata dore.
