Një 20-vjeçar i shpallur në kërkim nga Policia e Vlorës për akuzën e vjedhjes, është arrestuar ditën e djeshme teksa qarkullonte me një automjet tip ‘Porsche’, që drejtohej nga një 17-vjeçar (pa patentë).
Në pranga ka rënë Xhuljano Hodaj, i cili ishte shpallur në kërkim pasi Gjykata e Shkallës së Partë Vlorë e ka dënuar me 7 muaj e 24 ditë burg për veprën penale “vjedhje” kryer në bashkëpunim.
Ndërkohë ka nisur hetimi edhe për 17-vjeçarin D.Z., i cili drejtonte mjetin luksoz dhe pa leje drejtimi.
