Ditën e sotme është shtyrë seanca gjyqësore për ish-ministrin e Brendshëm, Saimir Tahiri, pasi ky i fundit nuk është paraqitur për arsye shëndetësore.
Tahiri ka kërkuar nga Gjykata e Elbasanit uljen e dënimit me 1.6 vite burg, duke kërkuar që t’i njehet periudha e paraburgimit. Seanca e rradhës është planifikuar të zhvillohet më 10 Mars në orën 09:15.
“Seanca gjyqësore me kërkues z. Saimir Tahiri me objekt “Llogaritje e vuajtjes së dënimit, është çelur sot më datë 24.02.2023 në orën 09:24, në prezencë të prokurorit të çështjes dhe në mungesë të avokatit përfaqësues të kërkuesit z. Saimir Tahiri, i cili ka paraqitur kërkesë për shtyerje seance për arsye shëndetësore dhe në mungesë të kërkuesit z. Saimir Tahiri edhe pse gjykata i është drejtuar me kërkesë për shoqërim Instituconit të Ekzekutimeve Penale.
Seanca gjyqësore është çelur sikurse ishte paracaktuar nga gjykata dhe sikurse ishin njoftuar palët në proces, sot më datë 24.02.2023, por nuk është zhvilluar shqyrtimi gjyqësor për shkak të kërkesës për shtyrje të paraqitur nga avokati i kërkuesit z. Saimir Tahiri”, njofton Policia.
GJKKO e dënoi Saimir Tahirin me 5 vite burg për ‘Shpërdorim të detyrës’, por për shkak se ish-ministri kishte kërkuar aplikimin e procedurës së gjykimit të shkurtuar, iu ul 1/3 e dënimit, e tani Tahirit i duhet që të qëndrojë pas hekurave të burgut në 3 vite e 4 muaj burgim.
Tahiri u dënua vetëm për “Shpërdorim detyre” duke i ‘shpëtuar’ akuzave “Korrupsion të zyrtarëve të lartë”, “Trafik të lëndëve narkotike kryer në bashkëpunim” dhe “Grup të strukturuar kriminal”.
j.l./ dita
