Kriza për punonjës mund të thellohet edhe më shumë këtë vit. Është ky paralajmërim i Bankës së Shqipërisë në raportin e Politikës Monetare për tremujorin e parë të këtij viti.
“Rritja e ngadaltë e punësimit gjatë tremujorit të tretë të vitit 2024, sipas të dhënave administrative, është shoqëruar nga nivele të larta të faktorit “mungesë e forcës së punës” gjatë gjithë vitit. Gjithashtu, treguesit e vrojtimeve dëshmojnë për pritje më të ulëta të bizneseve për punësimin dhe për papunësi më të lartë nga konsumatorët, gjatë tremujorit të katërt.”
Të dhënat nga Instituti i Statistikave tregojnë se ndërkohë janë 74 mijë e 730 shqiptarë të regjistruar si të papunë pranë zyrave të punës.
Pjesa më e madhe janë me arsim të mesëm, por janë edhe afro 7 mijë të tjerë me arsim të lartë.
“Ne duhet të inkurajojmë të rinjtë të rrinë këtu dhe të futen në tregun e e punës. Në të kundërt na presin shumë ditë të vështira”, shprehet Ergesta Stërmasi.
Nga ana tjetër janë mbi 32 mijë punëkërkues të regjistruar që trajtohen me ndihmë ekonomike, teksa sytë e bizneseve vijojnë të shohin jashtë kufijve për të marrë punonjës.
“Kjo është një zgjidhje afatshkurtër. Është një eksperiment, rezultat e të cilit janë treguar edhe më herët. Vëmendja jonë duhet të jetë te të rinjtë në vend. Ka edhe shumë kosto për sjelljen e tyre”, shton Ergesta Stërmasi.
Banka e Shqipërisë thotë se gjatë fundit të vitit 2024 rritja e pagave është ngadalësuar, sidomos në sektorët e informacionit dhe komunikacionit, aktivitetet financiare apo në fushën e pasurive të paluajtshme.
Se kuptoj pse nuk i kontrollon kush ata njerëz që vijnë për punë në Shqipri, nga bangladeshi e vende të tjera, a ka korrupsion, si ka mundësi në Shqipni jan 200,000 të papunë të rregjistruar dhe shkojnë e marrin atje me një pagë qesharake. Këtu në belgjikë smund ti bash vizen dikujt po nuk u rregjistrove te zyra shtetrore e punës dhe të vertetosh që ske puntorë. Spak të kontrollojë zyrat e punës private në vend.
Vete i perzute njerezit me ato paga qesharake,se do paguanit shurren e Vilma Nushit dhe brisqet e Beqes.
Të gjitha problemet në Shqipëri i kanë rrënjët në keq qeverisjen e Berisha 1, në vitet 1990. Këto që shkruani janë pasojat e atyre viteve, ku u shkatërua industria dhe prona e përbashkët me « çekun e bardhë », « Bota do të n’a ndihmojë dhe ne do të qeverisim », ligji 24/1 që nxorri të papunë specialistët, etj. Fajtorët jo vetëm nuk u dënuan, por kërkojnë të vijnë në pushtet për herë të tretë. Zgjedhjet pas tre muajsh kanë rëndësi të madhe pikërisht për faktin që ardhja në fuqi e Berishës për herë të tretë do të thotë që ekonomia dhe investimet shkojnë mbrapsh!