KFOR: Po planifikohet një takim me të gjitha palët për tensionet në Veri

Po organizohet një takim mes të gjitha palëve për çështjen e veriut të Kosovës është deklaruar nga KFOR.

“Duke qenë se janë planifikuar takime ndërmjet të gjitha palëve, është e rëndësishme që të gjithë të përfshirët të shmangin çdo retorikë apo veprim që mund të shkaktojë tensione dhe të përshkallëzojë situatën”, thuhet në përgjigjen e KFOR-it.

Sa i përket incidentit të mbrëmshëm, kur në rrethinë të Zubin Potokut, vendi ku janë të vendosura barrikadat, u dëgjuan të shtëna armësh, KFOR ka thënë se po vazhdon hetimet.

“KFOR-i po heton një incident indirekt zjarri më 25 dhjetor në afërsi të patrullës së KFOR-it të NATO-s”.

Nga KFOR nuk kanë mundur të konfirmojnë se kush shtiu në afërsi të tyre.

a.m/dita