Portugezi Ruben Saraiva, që ekzekutoi 5o-vjeçarin Ardian Nikulaj, ka dyshime se fshihet në shtetin grek. Nga të dhënat e deritanishme të policisë, rezulton se Saraiva nuk ka dalë zyrtarisht nga territori i Greqisë prej datës 20 prill, kur hyri nëpërmjet doganës së Kapshticës, një ditë pas vrasjes. Ai u largua bashkë me anglezin Harry Simson dhe të dy vazhdojnë të jenë ende në kërkim. Ndërkohë, policia shqiptare po shkëmben informacion edhe me autoritetet portugeze dhe ato britanike, për të lokalizuar dhe arrestuar dy personat e shpallur në kërkim. Kujtojmë që është arrestuar financuesi dhe organizatori i vrasjes së biznesmenit Ardian Nikulaj, më 19 Prill në Shëngjin, Edmond Haxhia. Po ashtu, janë arrestuar dhe tre nga informatorët britanikë, Thomas Mithan, Steve Hunt dhe Harriet Bridgeman.
Kerko
