“Sovraniteti i vendit duhet të mbrohet dhe mirëqenia e popullit të Venezuelës duhet të mbizotërojë mbi çdo çështje tjetër”, është thirrja që vjen nga Papa Leone 14, pas arrestimit nga SHBA-të të Presidentit të Venezuelës Nicolas Maduro.
Kreu i Kishës Katolike bëri thirrje që Venezuela të mbetej një vend i pavarur si dhe të respektohen të drejtat e njeriut.
Më herët gjatë konferencës së parë pas operacionit në Venezuelë, Presidenti Donald Trump specifikoi se kompanitë amerikane do ta rimëkëmbin industrinë e naftës në Venezuelë duke marrë mbrapsht gjithçka u takon prej vitesh.
Por dy shtete të cilat Venezuela prej kohësh i furnizonte me naftë bruto, Kina dhe Rusia i bëjnë thirrje Amerikës të lirojë “menjëherë” presidentin Maduro dhe gruan e tij “të ndërpresë përpjekjet për të përmbysur regjimin venezuelas” dhe që çdo çështje të zgjidhet përmes dialogut.
“Shkelje të rëndë të sovranitetit kombëtar”, e ka vlerësuar operacionin edhe Koreja e Veriut. Irani dënon agresionin ushtarak dhe e konsideron këtë veprim një shembull të terrorizmit shtetëror”.
Trump po përballet me kritika edhe nga brenda vendit. Zohran Mamdani, kryebashkiaku i ri i Nju Jorkut, e telefonoi presidentin amerikan të shtunën duke i shprehur personalisht kundërshtimin ndaj ndërhyrjes në Venezuelë.
“E telefonova presidentin dhe fola drejtpërdrejt me të për të shprehur kundërshtimin tim ndaj këtij veprimi”, deklaroi Mamdani gjatë një konference për shtyp mbi një çështje tjetër, duke shtuar se i kishte thënë Trumpit se ishte “kundër një përpjekjeje për ndryshim regjimi dhe kundër shkeljes së së drejtës federale dhe ndërkombëtare”.
“Veprimet e Donald Trump nuk e bëjnë Amerikën më të sigurt ose më të fortë, tha në reagimin e saj edhe ish-zv.presidentja e SHBA-ve, Kamala Harris, e cila i quan veprime të paligjshme dhe të turpshme. Argjentina dhe Peruja kanë mbyllur kufijtë me Venezuelën për të parandaluar hyrjen e mundshme në vendet e tyre të individëve të lidhur me qeverinë venezuelase të Nicolas Maduros që kërkojnë strehim.
Ndërkohë, Gjykata Supreme e Drejtësisë e Venezuelës ka urdhëruar që Zëvendëspresidentja Ekzekutive Delcy Rodríguez të marrë detyrën e presidentes së përkohshme të vendit jugamerikan, pas kapjes së Presidentit Nicolás Maduro nga Shtetet e Bashkuara.
“Urdhërohet që qytetarja Delcy Eloína Rodríguez Gómez, Zëvendëspresidente Ekzekutive e Republikës, të marrë dhe të ushtrojë, si Presidente e përkohshme, të gjitha fuqitë, detyrat dhe kompetencat që lidhen me postin e Presidentit të Republikës Bolivariane të Venezuelës, me qëllim garantimin e vazhdimësisë administrative dhe mbrojtjes së plotë të kombit,” deklaroi Presidentja e Dhomës Kushtetuese, Tania D’Amelio, duke lexuar një deklaratë të transmetuar në radio dhe televizion.
Sipas New York Times, mbi 80 persona, mes tyre civilë dhe ushtarë, janë vrarë në sulmin amerikan të së shtunës në Venezuelë, ndonëse Trump deklaroi se nuk kishte viktima.
Aksion model kunder terroristeve lilipute qe torturojne popujt e tyre.Te kishte pasur nje Trump ne 1946 Amerika nuk do ta katandiste Harry Fullcin ta rrihnin policet e Enver Hoxhes ne Portin e Durresit,Nuk do dergonte Hamit Matjanin me 5 Diversante te clironte Shqiperine,por do dergonte marinsat ta kerrenin enver hoxhen me gjithe Memetin dhe populli shqiptar do te shpetonte nga pushtimi 50 vjecar terrorist dhe Historia do fliste ndryshe.
Se nuk c`montohet nje klike terroriste e armatosur me 5 hamid matjana dhe 6 xhevat mustafa.
Trump korrigjoi Gjirin e derrave.Derri do plumb.
Jane Probleme te bartura kur Presidentet Amerikane toleruan Agresionin e Ushtrise kuqe te Stalinit ne Evrope.Toleruan morrat e kuq te Mao Ce Dunit.Kinen e cliroi Guomindani Can kai Shekut,Pushtetin e moren morrat e kuq te Mao ce Dunit,.
Sikur ne vend te Trumanit te ishte Trumpi,,A i hodhi dy Atomike ne Japoniii?Hidhe edhe nje ne 1 Tetor 1949 ne sheshin Tien An Men dhe nuk do te kishte as Kore,as Vietnam,as Kube.
Nuk lihen punet pergjysem.Me tolerancen e Demokracise Amerikane te prfitojne rreckamanet e kuq.