Kina reagon për sulmin në Iran: Ndaloni menjëherë veprimet ushtarake

Kina bëri thirrje për një ndërprerje “të menjëhershme” të veprimeve ushtarake pasi SHBA-të dhe Izraeli nisën sulmet ajrore ndaj Iranit.

Duke shprehur “shqetësim të lartë” për sulmet ushtarake kundër Iranit, Ministria e Jashtme kineze theksoi respektimin e sovranitetit, sigurisë dhe integritetin territorial të Iranit.

“Kina bën thirrje për ndalimin e menjëhershëm të veprimeve ushtarake, mospërshkallëzimin e mëtejshëm të situatës së tensionuar, rifillimin e dialogut dhe negociatave dhe përpjekjet për të ruajtur paqen dhe stabilitetin në Lindjen e Mesme”, tha ministria në një deklaratë në kompaninë amerikane të mediave sociale X.

Ndërsa shpërthimet tronditën Teheranin dhe Izraeli njoftoi sulme “parandaluese” kundër Iranit, Presidenti i SHBA-ve Donald Trump konfirmoi gjithashtu nisjen e “operacioneve të mëdha luftarake” në Iran.

Teherani akuzoi SHBA-të dhe Izraelin për agresion ushtarak, duke i quajtur sulmet një shkelje të sovranitetit të saj dhe një shkelje të Nenit 2(4) të Kartës së OKB-së.

Duke theksuar të drejtën për vetëmbrojtje sipas Kartës së OKB-së, Irani tha se i kishte dhënë përparësi diplomacisë për të parandaluar luftën, por “tani ka ardhur koha për të mbrojtur atdheun” dhe se forcat e armatosura do të përgjigjeshin në një “mënyrë vendimtare dhe të fuqishme”.