Detaje të reja kanë dalë në dritë nga incidenti me dy rusët dhe ukrainasin në Uzinën e Gramshit mbrëmjen e së shtunës.
Në dosjen e Prokurorisë janë zbardhur rrëfimet e ushtarakëve të uzinës, që u përleshen me rusët dhe ukrainasin.
“Ndjemë djegie në sy, marrje mëndësh dhe djegie të gjoksit dhe supeve, por e mbajtëm shtetasin e huaj deri sa erdhi policia”, ka thënë Aldo Bici, njëri nga ushtarakët që u përleshen me rusët.
Sipas rrëfimit të tij, në momentin që ai është afruar bashkë me rojen tjetër Ardian Xhaka për të kapur prej krahu rusin 200 metra nga muri rrethues i Uzinës, ai ka nxjerrë një spraj me të cilin i ka sulmuar në fytyrë dhe në trup.
Në dosje thuhet se ata kanë ndjerë djegie të syve dhe trupit, marrje mendsh dhe djegie të gjoksit dhe supeve, por pavarësisht kësaj e kanë mbajtur personin deri në momentin e ardhjes se forcave të policisë.
Më pas, Aldo Bici dhe Ardian Xhaka kanë shkuar në urgjencën e spitalit të Gramshit ku kanë marrë ndihmën e parë mjekësore dhe më pas janë transportuar në Tiranë për ndihmë të specializuar.
j.l./ dita
