Një shtetas serb i cili kishte ardhur me pushime në Shqipëri, ka gjetur vdekjen për shkaqe natyrale.
Policia ka konfirmuar ngjarjen e cila ka ndodhur në orët e para të mëngjesit të sotëm në spitalin e Himarës.
Sipas njoftimit zyrtar, dyshohet se shkak për vdekjen e turistit serb ka qenë arresti kardiak.
Njoftimi i Policisë:
Himarë – Sot, rreth orës 08:00, në spitalin e Himarës, ka mbërritur për ndihmë mjekësore shtetasi serb S. B., 63 vjeç, i cili më pas ka ndërruar jetë në spital, dyshohet si pasojë e një arresti kardiak.
Grupi hetimor po punon për sqarimin e plotë të rrethanave të ngjarjes.
j.l./ dita
