Kolumbia thyen rekordin e prodhimit të kokainës për vitin 2021 (SHIFRAT)

Kolumbia, prodhuesi kryesor në botë i kokainës, theu rekordin e saj për kultivimin e gjetheve të kokainës në vitin 2021.

Kjo, sipas një deklarate të shpallur të enjten e 20 tetorit nga njëri prej organeve të Organizatës së Kombeve të Bashkuara (OKB).

Lajmi u bë i ditur nga media franceze France 24.

Qeveria kolumbiane theksoi “dështimin” e luftës së udhëhequr nga SHBA-të kundër drogës.

“Kishte një rritje prej 43 për qind në sipërfaqen e mbjellë me kokainë nga 143 mijë hektarë në vitin 2020 në 204 mijë hektarë në vitin 2021”, shtoi në një deklaratë Zyra e OKB-së për Drogën dhe Krimin (UNODC).

Kjo ishte shifra më e lartë e prodhimit të lëndëve narkotike që kur UNODC-ja filloi të monitoronte prodhimin e kokainës në Kolumbi, 21 vite më parë.

Rritja e kultivimit shkoi paralelisht me një rritje të prodhimit të kokainës nga 1 mijë e 10 tonë në vitin 2020, në 1 mijë e 400 tonë vitin e kaluar, e destinuar për tregti kryesisht për Shtetet e Bashkuara dhe Evropën.

Ministri kolumbian i Drejtësisë, Nestor Osua theksoi se qeveria po punonte për politika të reja kundër drogës, e cila tani për tani nuk do të përfshijë legalizimin e kokainës.

Presidenti i majtë i Kolumbisë, Gustavo Petro, ka nxitur një amnisti për trafikantët e drogës që janë të gatshëm të heqin dorë e të braktisin tregtinë.

Ai ka propozuar gjithashtu blerjen e tokës së punueshme për t’iu rishpërndarë fermerëve të vegjël e për të siguruar jetesën nga të korrat e ligjshme.

Kjo, duke i çliruar nga zgjedha e dhunshme e bandave të drogës ku ata mbështeten për sigurimin e jetesës.

Shtetet e Bashkuara mbeten konsumatori kryesor i kokainës në botë, një nga tregjet kryesorë për trafikantet e lëndëve narkotike.

UNODC-ja deklaroi se kultivimi i kokainës “vazhdon të kërcënojë potencialin kulturor të vendit dhe biolarmirshmërinë e tij”, duke kontribuar në shpyllëzim.

Ndër të tjera, ai shtoi se një përqindje e lartë e plantacioneve shtrihen në rezerva pyjore, në tokat e komuniteteve me ngjyrë e gjysma e tyre shtrihen në zona të veçanta për menaxhimin specifik të tyre.

a.m/dita