Komisioni Europian paraqiti të mërkurën planin për të reduktuar përdorimin e gazit në Europë me 15%. Komisioni u ka kërkuar vendeve të përgatiten për shkurtime të mëtejshme të mundshme duke reduktuar përdorimin e gazit, shkruan CNN.
Duke shpallur paketën “Kurseni gazin për një dimër të sigurt”, presidentja e Komisionit të BE-së Ursula von der Leyen tha se 12 shtete anëtare ishin prekur nga një ndërprerje e pjesshme ose e plotë e furnizimit me gaz rus.
Sipas planit, BE u ka kërkuar vendeve për të ulur kërkesën e tyre gjatë 8 muajve të ardhshëm. Masat vijnë vetëm një ditë përpara se Gazprom, kompania shtetërore ruse e gazit, mund të refuzojë të rifillojë furnizimet përmes gazsjellësit Nord Stream 1.
Tubacioni është një arterie jetike që lidh rezervat e mëdha të gazit të Rusisë me kontinentin nëpërmjet Gjermanisë. Ajo furnizon 55 miliardë metra kub gaz në vit, ose gati 40% të importeve totale të tubacioneve të bllokut nga Rusia.
Muajin e kaluar, Gazprom shkurtoi flukset përmes tubacionit me 60%, duke fajësuar vendimin e Perëndimit për të ndaluar turbinat jetike për shkak të sanksioneve kundër Rusisë për luftën e saj në Ukrainë.
a.m/dita
