Me rastin e 65- vjetorit të krijimit të Organizatës së Veteranëve, në sheshin “Skënderbej” u organizua dje një koncert festiv, ku i pranishëm ishte edhe kreu i Bashkisë së Tiranës Erion Veliaj. Në fjalën përshëndetëse, Veliaj vlerësoi sakrificat e atyre që e renditën Shqipërinë në anën e duhur të historisë, si dhe shoqatën e veteranëve, e cila mban ende gjallë vlerat më të mira të Luftës Nacional-Çlirimtare.
“Është detyrë e nipave dhe e mbesave që të futemi në Europë; në atë Europë, në të cilën Kryeministri Rama bëri një prezantim jashtëzakonisht dinjitoz. Rinia jonë nuk është vetëm çuna dhe goca me iPhone, që krijojmë aplikacione, por jemi edhe nipa e mbesa veteranësh, dëshmorësh, të atyre që në atë moment të vështirë zgjodhën anën e duhur të historisë”, tha Veliaj.
Ai shtoi se falë kësaj zgjedhje, Shqipëria është sot më pranë BE-së. “Por fatkeqësisht atë zgjedhje nuk e bënë të gjithë, duhet ta themi këtë vërtetë. Disa bënë zgjedhjen e gabuar të historisë. Por falë atyre që bënë zgjedhjen e duhur të betejës, kemi Shqipërinë që kemi sot, një kandidate zyrtare për anëtarësim në Bashkimin Europian, si një pajë për çunat dhe gocat, nipat dhe mbesat, që ta çojnë më lart vendin”, deklaroi kreyebashkiaku.
Kreu i Bashkisë theksoi se ajo që po ndodh sot në Ukrainë, na kujton se lufta nuk është një përrallë. “Një popull që nuk e di nga ka ardhur, nuk di as ku po shkon. Ndoshta, për të rinjtë e sotëm Lufta e Dytë Botërore mund të duket e largët se ka ndodhur 78 vite më parë. Por, në 24 shkurt të këtij viti nisi një luftë tjetër në Europë, agresioni i Rusisë ndaj Ukrainës. Një komb që harron të luftojë, harron të mbrojë dinjitetin e vet, harron të mbrojë territorin e vet, harron të mbrojë historinë e vet, është gjithmonë peng i fuqive të tjera, që duan ta gllabërojnë, që duan të ndryshojnë kufijtë, që duan të ndryshojnë rendin dhe paqen që kemi në Europë”, tha Veliaj.
Kryetari i Bashkisë deklaroi se Tirana është i vetmi kryeqytet në Europë që u çlirua nga forcat e saj, falë sakrificave të qytetarëve të saj.
Organizata e Veteraneve te Luftes Antifashiste Nacional Clirimtare i ka tradhetuar idealet e asaj lufte legjendare per deri sa ka pranuar te mbeshtese PS dhe kryetarit te saj ballist Edi Rama,qe e ka deklaruar LANC-in si lufte civile dhe Enver Hoxhen si diktator snonim!
Kjo organizate heshti kur sharlatani Rama nderoi krye kuinslingun ballist M.Frasheri duke u kerkuar trashegimtareve te partizaneve heroike te ulnin kokat para vepres kriminale te ketij antishqiptari!
Po ashtu keta tru shplare heshten kur rruges se Lavdishme te BARRIKADAVE ne Tirane,ku jane zhvilluar luftime te pergjakeshme per clirimin e Tiranes,sharlatani mashtrues Erion Veliaj ia nderroi emrin duke e zevendesuar me emrin e mjekut Shefqet Ndroqi ashtu sic beri edhe banditi Lul Basha qe i hoqi emrin rruges “Deshmoret e 4 shkurtit” dhe ia vuri “Ibrahim Rugova”!
Dhe keta veterane degjojne Veliajn,kete armik hipokrit te LANC sikur te jete miku i tyre qe i vuri thiken pas shpine idealeve te LANC-it!
Organizata e Veteraneve i ka tradhetuar idealet e LANC-it!
Censuroje prap o moderator,se ju keni frike nga e verteta!Vdliaj eshte armik i LANC-it sepse hoqi emrin e rruges se Barrikadave duke i vene fmrin e mjekut Shefqet Ndroqi qe nuk ka asnje lidhje me ate rruge te lavdishme!