Me urdhër të SPAK, është bërë arrestimi i ish-zv.ministrit të Shëndetësisë Klodjan Rrjepaj për hetimet që po kryhen për koncesioni e sterilizimit të mjeteve kirurgjikale.
Në total janë lëshuar tetë urdhër arreste për zyrtarë të tjerë të Ministrisë së Shëndetësisë. Për këta persona është caktuar masa e sigurisë dy në arrest me burg, 2 në arrest shtëpie dhe katër të tjerë me “detyrim paraqitje”.
Mes të arrestuarve është edhe biznesmeni Ilir Rrapaj, pronari i kompanisë Investital LLC. Rrapaj së bashku me një grup kompanish italiane, tek të cilat kishte 40 për qind të aksioneve, fituan koncesionin me vlerë 100 milionë euro.
Ortakët e Rrapajt në konsorcium janë tre kompani nga rajoni i Umbrias, përfshirë “Servizi Italia”, e cila ka një eksperiencë 35-40 vjeçare në fushën e sterilizimit dhe mbetjeve spitalore, “Tecnosanimed” dhe “U.Jet S.r.l”.
j.l./ dita
