Raportimet e fundit nga mediat izraelite dhe agjencia Reuters njoftojnë se udhëheqësi suprem i Iranit, Ajatollah Ali Khamenei, ka vdekur dhe trupi i tij është gjetur, sipas një zyrtari të lartë izraelit.
Deri më tani, nuk ka pasur konfirmim të menjëhershëm nga autoritetet iraniane për fatin e tij.
Në një reagim të menjëhershëm, media shtetërore iraniane citon kreun e marrëdhënieve me publikun në zyrën e Khameneit, i cili ka deklaruar se “armiku po përdor luftë mendore, të gjithë duhet të jenë të vetëdijshëm”, duke paralajmëruar qytetarët për përhapjen e informacionit të kontrolluar.
Dokumentacioni i trupit të Khameneit thuhet se iu tregua kryeministrit Benjamin Netanyahu.
Khamenei ka sunduar Republikën Islamike të Iranit që nga viti 1989, duke shërbyer më parë si president nën regjimin e Ruhollah Khomeinit nga viti 1981 deri në ngjitjen e tij në detyrën e udhëheqësit suprem.
Ai ishte 86 vjeç.
Më herët të shtunën, zyrtarët iranianë premtuan të publikonin një regjistrim të Khameneit menjëherë pasi sulmet izraelite shënjestruan kompleksin e tij në Teheran. Vlerësimi paraprak midis zyrtarëve izraelitë ishte se Khamenei u lëndua në sulm. Asnjë konfirmim zyrtar nuk është marrë nga burime izraelite, amerikane apo iraniane.
j.l./ dita
