Gazetarja Klodiana Lala ka zbuluar detaje në lidhje me masakrën e Tiranës që ndodhi ditën e sotme, ku Dan Hutra vrau 3 gra dhe plagosi 3 të tjera.
Lala zbuloi se nëna e Valdimir Kurtit, të dënuarit me të cilin Hutra kishte pasur konflikte, ka shpëtuar për shkak se kur ky i fundit hyri në banesën e saj dhe vrau me gjakftohtësi të bijën Etleva, ndodhej në kopshtin e banesës duke u kujdesur për bimët.
Ajo tregoi më tej një tjetër detaj duke thënë se një i dënuar në burgun ku ndodhej Vladimir Kurti dhe që kishte pasur po ashtu konflikte me Hutrën, kishte lajmëruar familjen e tij nga frika për t’u larguar nga banesa dhe për t’u fshehur.
“Vladimir Kurti kur dëgjoi emrin e autorit të dyshuar ishte vënë në lëvizje dhe telefononte motrën. Kur Hutra ka shkuar në zonën e banesës ka pyetur një banore për shtëpinë e Kurtit. Nëna ka shpëtuar sepse ka qenë në kopsht duke prashitur bimët. Ishte fati I saj që autori ishte larguar.
Një i dënuar tjetër, familja e tij u ngujua për orë me radhë sepse kishte dyshime për shkak se kishin konflikte në burg. Ishte një masakër.
m.b./dita
