Vendosja e shezlongeve është kthyer sërish në mollë sherri në Shkodër, ku një 64-vjeçar ka rënë pre e dhunës së tre të rinjve.
Për këtë ngjarje, policia e Shkodrës bën me dije se 3 të rinj, njëri prej të cilëve është nën hetim dhe dy të tjerët janë shpallur në kërkim kanë ushtruar dhunë ndaj një 64-vjeccari pas sherrit për vendosjen e shezlongeve.
Të rinjtë me inicialet D.T, 31 vjecc, Z. M., 27 vjeç dhe S. M., 27 vjeç, të tre banues në Shkodër, dyshohet se në bashkëpunim me njëri-tjetrin, kanë kanosur shtetasin S. H., 64 vjeç, banues në Shkodër, e kanë goditur atë me mjete të forta dhe i kanë dëmtuar automjetin me të cilin lëvizte.
Njoftimi i plotë i Policisë së Shkodrës:
Specialistët për Hetimin e Krimeve të Komisariatit të Policisë Shkodër referuan materialet në Prokurori, ku nisi procedimi në gjendje të lirë për shtetasin D. T., 31 vjeç, si dhe shpallën në kërkim shtetasit Z. M., 27 vjeç dhe S. M., 27 vjeç, të tre banues në Shkodër, pasi dyshohet se në bashkëpunim me njëri-tjetrin, kanë kanosur shtetasin S. H., 64 vjeç, banues në Shkodër, e kanë goditur atë me mjete të forta dhe i kanë dëmtuar automjetin me të cilin lëvizte, për shkak të shfrytëzimit të hapësirave në plazh, për vendosjen e shezlongëve. Vijon puna për kapjen e shtetasve Z. M dhe S. M.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
p.k\dita
