Dy persona janë arrestuar dhe dy të tjerë janë vënë nën hetim nga policia kufitare në Rinas dhe Portin e Durrësit.
Në Rinas, në pranga ka rënë 21 vjeçari i identifikuar si E.B pasi leja e qëndrimit që kishte paraqitur për të udhëtuar në një shtet të caktuar, rezultoi të ishte e falsifikuar.
Gjithashtu nisi hetimi për 28 vjeçarin R.S të cilit pas një kontrolli më të detajuar iu gjetën mallra dhe veshje me vlerë rreth 13 mijë euro.
Në Portin e Durrësit është arrestuar 40 vjeçari A.Sh të cilit iu gjetën aksesorë të ndryshëm floriri të cilat dyshohet të jenë të vjedhura. Ndërsa u vu nën hetim 49 vjeçari A.M i cili në automjetin e tij kishte 4 kuti me cigare (puro) me vlerë totale 2320 euro.
o.j/dita
