Pas njësive të reja të dentistrisë të vendosura në shkollat e Tiranës, Durrësit, Elbasanit dhe Shkodrës, dikasteri i shëndetësisë bën me dije se po kryhen përgatitjet e fundit për hapjen e tyre edhe në shkollat e shumë qyteteve të tjera.
“Teksa të vegjlit po shijojnë pushimet e gushtit, me ekipet tona të kujdesit shëndetësor, po punojmë për detajet e fundit, që, në shtator, të kemi gati kabinetet e reja dentare në shkolla. Po bëhemi gati të zgjerojmë këtë shërbim me investimin e ri të Ministrisë së Shëndetësisë dhe Mbrojtjes Sociale në shkollat në: Gjirokastër, Krujë, Kukës, Vlorë, Fier, Lushnje, Lezhë, Mat, Dibër, Korçë dhe Berat”, konfirmoi pak minuta më parë Ministria e Shëndetësisë dhe Mbrojtjes Sociale nëpërmjet një postimi të bërë në rrjetin social Facebook, teksa ka ndarë edhe fotot nga punimet.
p.k\dita