Dy shtetas turq janë ndaluar nga shërbimet e Policisë Kufitare në Rinas.
Dyshimet për ta kanë lindur pas kalimit të asaj që quhet “vija e parë” e kontrollit.
Ndaj dy turqit janë ndaluar në vijën e dytë, për kontroll të detajuar.
Gjatë kontrollit fizik dhe kontrollit të çantave të shpinës, shtetasit E. G. i janë gjetur 30 450 euro, ndërsa shtetasit S. S. i janë gjetur 17 000 euro.
Autoritetet e policisë bëjnë me dije se në cilësinë e provës materiale u sekuestruan 47 450 euro, pasi duhej të ishin deklaruar, siç e përcakton ligji.
Mësohet se E. G. është 63 vjeç, dhe S. S., 35 vjeç, të dy banues në Stamboll.
Ata do duhet të mbrohen tani për veprën penale “Mosdeklarimi në kufi i të hollave dhe i sendeve me vlerë”, pasi materialet procedurale u referuan në Prokurorinë pranë Gjykatës së Tiranës.
p.k\dita
