Një sherr dhe përleshje më thikë ka ndodhur sot në Korçë, me pasojë një të plagosur. Në lagjen nr.10 shtetasi M. B., 19 vjeç, banues në fshatin Barç, gjatë një konflikti, dyshohet se ka dëmtuar me mjet prerës (thikë), një 17-vjeçar, i cili aktualisht ndodhet në spitalin e Korçës, jashtë rrezikut për jetën. Falë ndërhyrjes së policisë u bë e mundur kapja dhe shoqërimi ambientet e Komisariatit të Policisë, të autorit të dyshuar të plagosjes, shtetasit M. B., ndaj të cilit po kryhen veprimet e mëtejshme procedurale. Grupi hetimor po punon për sqarimin e plotë të rrethanave të ngjarjes dhe motiveve, por paraprakisht njoftohet për motive të dobëta.
Kerko
