Kolegji i Posaçëm i Apelit konfirmon në detyrë Gerd Hoxhën, gjyqtar në Gjykatën e Tiranës. Ky vendim është kundërshtuar nga Theo Jacobs, përfaqësuesi i ONM-së.
“Në emër të vëzhguesve ndërkombëtarë, do të doja të theksoja se ne nuk biem dakord totalisht me këtë vendim, jo vetëm për përmbajtjen, por gjithashtu dhe për procesin e vendimmarrjes. Jam thellësisht i keqardhur që ky vendim po hedh hije mbi imazhin e fortë që kjo dhomë ishte e aftë të ndërtonte mbi vendime të vështira dhe kurajoze. Drejtësia është dicka që shërbehet kur vendimi merret mbi fakte, jo kur faktet rregullohen sipas rezultatit të dëshiruar. Reforma në drejtësi, procesi i vetingut, kjo dhomë speciale dhe qytetarët shqiptarë meritojnë më shumë dhe më mirë se ky vendim”, u shpreh përfaqësuesi i ONM-së.
o.j/dita
