Kreu i inteligjencës britanike: Ka pasur kërcënime nga Irani për rrëmbimin apo vrasjen e disa qytetarëve

Sipas BBC ka pasur të paktën 10 kërcënime të mundshme nga Irani për të rrëmbyer ose vrarë qytetarë britanikë ose me bazë në Mbretërinë e Bashkuar këtë vit.

Shkreu i inteligjencës britanike, Ken McCallum, bëri të ditur shifrën gjatë raportimit të tij vjetor mbi kërcënimet me të cilat përballet Mbretëria e Bashkuar. McCallum paralajmëroi gjithashtu Mbretërinë e Bashkuar se “duhet të jetë gati për agresionin rus për vitet në vijim”.

“Irani projektoi kërcënime “direkt” në Mbretërinë e Bashkuar përmes shërbimeve të tij të inteligjencës agresive. Kjo përfshin ambiciet për të rrëmbyer apo edhe vrarë shtetas britanikë ose me bazë në Mbretërinë e Bashkuar të perceptuar si armiq të regjimit. Ne kemi parë të paktën 10 kërcënime të tilla të mundshme vetëm që nga janari,” zbuloi ai.

Javën e kaluar doli se gazetarët iranianë me bazë në Mbretërinë e Bashkuar kishin marrë paralajmërime nga policia për rreziqet e mundshme për jetën e tyre.

a.m/dita