Drejtoresha e Shërbimit Informativ të Shtetit Vlora Hyseni, e emëruar në 2023, është pezulluar nga detyra me urdhër të SPAK dhe ndaj saj është caktuar masa “arrest në shtëpi”. Kjo është hera e parë në historinë e shtetit që lëshohet masë sigurie ndaj kreut të SHISH. Sipas mediave, Hyseni dyshohet për dy vepra penale, “Përkrahja e autorit të krimit” dhe “Zbulimi i akteve ose të dhënave sekrete”.
Por masa e sigurisë për Hysenin deri më tani nuk është ekzekutuar. Hyseni nuk gjendet në Shqipëri. Ajo rezulon jashtë shtetit.
Bëhet fjalë për një operacion që është ende në zhvillim dhe po ushtrohen kontrolle edhe te ish-kryepolici Ilir Proda, si edhe në zonën e Shkozetit në Durrës. Në pranga kanë rënë dy ekspertë kriminalistë të policisë, njëri në detyrë në Tiranë dhe tjetri, Fatjon Kalluçi- shefi tek laboratori Shkencor i Policisë, si edhe Embro Sulejmani – një pronar i një biznesi në Durrës.
Vijon
