Një krim i rëndë ka ndodhur në Orikum, në Vlorë. Mësohet se një burrë ka dhunuar dhe ka vrarë gruan e tij dhe më pas edhe veten.
Ngjarja ka ndodhur rreth orës 13:30.
Llogara Xhebro rreth 50 vjeç pasi dhunoi gruan e tij Sose Xhebro rreth 40 vjeç e dërgoi atë në urgjencë në gjendje të rëndë shënetësore, ku janë konstatuar shenja dhune ( në pjesën e grykës ) dhe trupit.
Gruaja ka ndërruar jetë pasi është kthyer në banesë.
Shërbimet e policisë kanë gjetur trupin e saj dhe më pas kabnë konstatuar të vetëvrarë në garazhd me armë zjarri Llogara Xhebron. Pranë trupit të tij është konstatuar një armë zjarri tip Glock dhe një gëzhojë kalibër 9 mm.
Çifti ka patur probleme dhe ishin divorcuar. Më pas janë ribashkuar me hope. Gruaja është dhunuar edhe më parë nga bashkëshorti. Ajo kishte shkuar në Itali nga ku kishte ardhur për festat.
Ata janë prindër të dy djemve të rritur.
Grupi hetimor nën drejtimin e Prokurorisë Vlorë ndodhet në vendin e ngjarjes dhe po punon për dokumentimin dhe sqarimin e rrethanave të kësaj ngjarje.
Njoftimi i policisë:
Orikum/Informacion paraprak/ Sot, rreth orës 13:30, është marrë njoftim nga urgjenca mjekësore se një shtetase, në Orikum, është gjetur pa shenja jete dhe me shenja dhune në banesë. Nga veprimet e para hetimore dyshohet se shtetasja S. Xh., 40 vjeçe, është vrarë nga bashkëshorti i saj, shtetasi Ll. Xh., 50 vjeç.
Pas kontrolleve të ushtruara nga shërbimet e Policisë në zonën përreth kësaj banese, në garazh është gjetur dyshohet i vetëvrarë me armë zjarri autori i kësaj ngjarjeje, shtetasi Ll. Xh.
Arma pistoletë e gjetur në vendngjarje u sekuestrua në cilësinë e provës materiale.
Grupi hetimor, nën drejtimin e Prokurorisë, vijon punën për dokumentimin e plotë të rrethanave të kësaj ngjarjeje.
j.l./ dita
