Detaje të reja kanë dalë nga krimi i rëndë i ndodhur në Greqi, ku një 42-vjeçar gjeti vdekjen pasi u dhunua brutalisht pas një konflikti verbal.
Krimi i rëndë ndodhi në Rafinë të Greqisë, jashtë një lokali. Policia greke njofton se viktima është goditur me doreza hekuri, gjë që i ka shkaktuar dëmtime të rënda në kokë dhe në trup e për pasojë ka ndërruar jetë.
Mësohet se 42-vjeçari ishte në një lokal me të dashurën e tij. Kur në një moment ai u ngrit për të shkuar në tualet, pesë të rinj që raportohen me kombësi shqiptare kanë ngacmuar vajzën.
Pas kthimit, ai u kërkoi shpjegime, por u sulmua ashpër, duke përfunduar në mënyrë tragjike.
i.b. / dita
