Banorët në Mbretërinë e Bashkuar paralajmërojnë t’i vënë zjarrin faturave të shërbimeve që marrin, në një valë protestash për koston e jetesës. Kjo sipas tyre përkon me rritjen e çmimeve të njësive të gazit dhe energjisë elektrike që rrjedhimisht do të bëjë që faturat të rriten.
Organizatorët parashikojnë protestat më të mëdha mbarëkombëtare kundër një krize ekonomike, e cila u përkeqësua këtë javë me kaosin e tregut të parasë dhe rritjen e normës së hipotekave. Dhjetëra mitingje do të organizohen nga Plymouth në Aberdeen, ndërsa punonjësit e postës dhe hekurudhave gjithashtu do ti bashkohen grevës së protestave.
Në ditën kur ligjet e qeverisë për çmimin e energjisë prej 150 miliardë paund futen në fuqi, e cila lejon që faturat mesatare të familjeve të arrijnë në 2,500 £ në vit, nga 1,971 £ që ishin, njerëzit pritet të djegin faturat në Birmingham, Bradford, Brighton dhe Londër.
“Mos paguaj në Mbretërinë e Bashkuar”, “Mjaft është Mjaft” janë disa nga fushatat e organizuara për të protestuar kundër rritjes së çmimeve në Britani.
a.m/dita
