Kryeministri i ri kanadez Mark Carney ka thirrur zgjedhje të parakohshme kombëtare.
Carney tha në një konferencë të mbajtur këtë të diel se ka kërkuar që parlamenti të shpërndahet dhe zgjedhjet të mbahen më 28 prill.
Ai u shpreh se dëshiron një “mandat të fortë dhe pozitiv nga kolegët e mi kanadezë”.
“Ka shumë më tepër për të bërë për të siguruar Kanadanë,” thotë ai.
Carney thekson planet për të mbështetur fermerët dhe bizneset gjatë një lufte tregtare me SHBA-në, si dhe zgjerimin e kujdesit dentar për miliona banorë.
Kreyministri Carney ka qenë në punë vetëm për disa ditë. Partia e tij me shumicë dërrmuese e zgjodhi atë, me më shumë se 80% të votave, për të pasuar Justin Trudeau si lider liberal në fillim të këtij muaji.
Për shumë njerëz në Kanada dhe MB, Carney është një fytyrë e njohur. Ai ishte kreu i Bankave të Kanadasë dhe Anglisë, duke shërbyer në të parën gjatë krizës financiare të vitit 2008 dhe të dytën gjatë Brexit.
Carney është përshëndetur për ekspertizën e tij financiare. Ai ka mbajtur gjithashtu një qëndrim sfidues kundër presidentit amerikan Donald Trump, duke u zotuar se do të hakmerret ndaj tarifave të tij dhe duke deklaruar se Kanadaja nuk do të bëhet kurrë shteti i 51-të.
Por Carney është i paprovuar politikisht. Ai kurrë nuk ka mbajtur poste publike të zgjedhura në Kanada. Dhe ai nuk është i fortë me frëngjishten e tij, gjë që mund të jetë një detyrim në debatin në gjuhën frënge dhe në provincën e Quebec.
j.l./ dita
