Kryeministrja e Finlandës: BE nuk është mjaftueshëm e fortë për të përballuar pushtimin rus

Kryeministrja finlandeze Sanna Marin ka thënë se Evropa nuk është “mjaftueshëm e fortë” për t’i bërë ballë pushtimit rus të Ukrainës dhe i është dashur të mbështetet tek SHBA.

Gjatë një vizite në Australi, udhëheqësja e vendit që pritet të bëhet anëtar në NATO-s tha se mbrojtja e Evropës duhet të forcohet.

“Duhet të jem e sinqertë me ju, Europa nuk është mjaft e fortë tani”, tha ajo, duke theksuar “do të ishim në telashe pa Shtetet e Bashkuara”.

Duke folur në Institutin Lowy në Sydney të premten, Marin tha: “Shtetet e Bashkuara kanë dhënë shumë armë, shumë ndihma financiare, shumë ndihma humanitare për Ukrainën dhe Evropën nuk është ende mjaft e fortë.”

Ajo shtoi se Evropa duhet të sigurohet se “po i ndërton ato aftësi kur bëhet fjalë për mbrojtjen evropiane, industrinë evropiane të mbrojtjes dhe duke u siguruar që ne mund të përballemi në lloje të ndryshme situatash”.

SHBA është deri tani ofruesi më i madh i ndihmës ushtarake për Ukrainën. Që nga fillimi i luftës në shkurt, ajo ka dhënë 18.6 miliardë dollarë. Donatori i dytë më i madh është Bashkimi Evropian, i ndjekur nga Mbretëria e Bashkuar, thotë Instituti Kiel për Ekonominë Botërore.

a.m/dita