Kryetarja e Komisionit të ligjeve Klotilda Ferhati u takua sot me sipërmarrës të Njësisë nr 3, për të diskutuar mbi problematikat dhe vështirësitë e sektorit privat në këtë kohë krizash, të shkaktuara nga ngjarjet ndërkombëtare, që nga pandemia e deri tek lufta në Ukrainë.
Rritja e kostove të prodhimit e shërbimit, ka krijuar vështirësitë e veta, por edhe këto biznese po mundohen për përshtatje me tregun, nevojat dhe standartet e reja.
Znj. Ferhati është kontribuese e vazhdueshme e përmirësimit të infrastrukturës ligjore dhe të kuadrit ligjor në tërësi në shërbim të funksionimit dhe bashkëpunimit shtet – privat për një Shqipëri sa më atraktive për investitorët dhe për teknologjitë e reja dhe inovacionin.
“Ajo që bën të mundur gadishmërinë për të kontribuar gjithmonë e më shumë, është dialogu me sipërmarrësit dhe kërkesat e tyre reale, të konsoliduara dhe që krijojnë situata Win-Win mes palëve”- theksoi ajo.
a.d. / dita
