Nga Xhevdet Shehu
Dje u përcoll për në banesën e fundit ish ministri dhe ish-kandidati i Byrosë Politike të PPSH, Llambi Gegprifti. Nuk e takova asnjëherë në jetën time, por kam përfytyrimin e një idealisti dhe një figure të shquar të kohës. Disa thonë ishte komunist. Disa thonë demokrat. Unë them se ishte sa komunist, aq edhe demokrat.
Po. Në vitet e fundit të regjimit komunist, ai ishte një nga udhëheqësit më shpresëdhënës. Brenda sistemit, natyrisht.
Lindi më 14.2.1942 në fshatin Potgozhan të Pogradecit në një familje të varfër fshatare. Ka kryer studimet në Fakultetin e gjeologji-minierave. Ka punuar si inxhinier e drejtues në sektorin e minierave, ku u dallua si organizator i aftë. Anëtar i PPSH më 1964. Kandidat i KQ të PPSH në Kongresin VI (1971) dhe anëtar i KQ të PPSH në Kongresin VII (1976).
Në vitin 1974 u ngarkua me detyrën e zëvendësministrit të Mbrojtjes Popullore, ndërsa në mars 1981 u emërua ministër i Industrisë dhe Minierave. Para ndryshimit të sistemit ishte kryetari i Komitetit Ekzekutiv të Tiranës.
Vajza e tij, Sonila Qato shkruan:
“Në këtë ditë të bukur fillim maji ti mbylle sytë përgjithnjë, duke na hidhëruar zemrën, për të qenë i pavdekshëm për ne vajzat e tua, mamin, niperit e mbesat. Na ke lënë pas pasurinë më të madhe, jetën tende të ndershme, emrin tënd që na ka bere gjithnjë të ndihemi krenare! Lamtumirë babi ynë i shtrenjtë”, shkruan ajo.
Në foton shoqëruese, Gegprifti me Nënë Terezën, gjatë vizitës së kësaj të fundit në Tiranë. Artikullin e plotë mund ta lexoni në DITA, versioni print i gazetës.
x.s. / dita