Ndonjëherë një dhimbje koke e thjeshtë mund të rezultojë të jetë një infeksion i tmerrshëm. Kjo i ndodhi një të riu rus, që shkoi në spital me migrenë. Sipas ‘Mirror’, pacienti shkoi në një qendër shëndetësore në Novorossiysk (Rusi) duke u ankuar nga dhimbje të forta koke dhe një gungë e çuditshme që i ishte shfaqur në ballë, pak mbi syrin e majtë.
Duke parë situatën në të cilën ndodhej pacienti, ekspertët filluan të eksploronin pjesën e sipërme të kokës së të riut dhe nuk e besuan atë që gjetën. Nga gunga që pacienti kishte mbi sy, nxorën një krimb të bardhë, më shumë se 15 centimetra!
Mesa duket, sipas raportimeve të ‘Mirror’, raporti tregonte se gjithçka kishte ardhur si pasojë e një infeksioni. Këto lloj infeksionesh zakonisht prodhohen në disa raste nga pickimi i mushkonjave. Këta insekte janë transmetues të një sërë sëmundjesh, për këtë arsye punonjësit e shëndetësisë besojnë se edhe ata e kanë shkaktuar infeksionin tek pacienti.
Ky infeksion quhet ‘Dirofilariasis’. Është një sëmundje e rrallë tek njerëzit dhe disi më e zakonshme tek kafshët. Ajo që prodhon ‘Dirofilariasis’ është formimi i larvave në inde. Pacientët që vuajnë nga kjo sëmundje zakonisht paraqesin simptoma të tilla si diarre, ethe ose kollë.
