Policia bën me dije se ka arrestuar një person dhe ka shpallur në kërkim 5 të tjerë, si autorë të kultivimit të kanabisit në terrenet malore të Shkodrës, Malësisë së Madhe dhe Fushë Arrëzit.
Në operacionin e zhvilluar përgjatë 3 ditëve, ku u angazhuan 50 efektivë policie dhe 7 dronë, u gjetën dhe asgjësuan 4999 bimë kanabis.
Policia ka arrestuar 54-vjeçarin P.Gj, ndërsa shpalli në kërkim Gj. Gj., 27 vjeç, K. Gj., 24 vjeç, N. Gj., 21 vjeç, M. H., 26 vjeç dhe F. N., 33 vjeç.
“Në kuadër të kësaj faze, u asgjësuan në total 4999 bimë narkotike cannabis sativa, prej të cilëve: 4180 bimë në fshatin Vajush, Malësi e Madhe; 697 bimë në fshatin Mali Kolaj, Shkodër; 75 bimë në fshatin Berishë e Vogël, Fushë Arrëz dhe 47 bimë në fshatin Repisht, Malësi e Madhe.
Si rezultat i veprimeve të shpejta hetimore, bazuar dhe në informacionet e siguruara nga inteligjenca policore, shërbimet e Policisë kanë bërë të mundur identifikimin e 6 autorëve të kultivimit të këtyre bimëve narkotike. Prej tyre, u vu në pranga shtetasi P. Gj., 54 vjeç, si dhe u shpallën në kërkim shtetasit Gj. Gj., 27 vjeç, K. Gj., 24 vjeç, N. Gj., 21 vjeç, M. H., 26 vjeç dhe F. N., 33 vjeç, të gjithë banues në fshatrat ku u gjetën të kultivuara bimët narkotike. Vijon puna intensive për kapjen e 5 shtetasve të shpallur në kërkim”, thuhet në njoftim.
