Një 28-vjeçar është vënë në pranga pasi dyshohet se në bashkëpunim me një person tjetër të shpallur në kërkim ka kultivuar 116 fidanë kanabis, të cilët u gjetën gjatë kontrollit në disa fshatra të Malësisë së Madhe.
28-vjeçari me iniciale P. K., është vënë në pranga nga policia, pasi dyshohet se në bashkëpunim me A. K., 44 vjeç, i cili është shpallur në kërkim kanë kultivuar 116 fidanët e kanabisit të gjetura në fshatin Vukpalaj.
Bimët u asgjësuan me anë të djegies, përveç një pjese që u sekuestrua në cilësinë e provës materiale. Policia po vijon punën për kapjen e A. K. dhe për dokumentimin e plotë të kësaj veprimtarie kriminale. Materialet procedurale i kaluan Prokurorisë Shkodër, për veprime të mëtejshme.
