Ai njihet edhe si “Kumbari i Interligjencës Artificiale”. I tërhequr tashmë nga Google dhe platforma që solli në jetë projektin inovativ elektronik, Geoffrey Hinton njoftoi se ka dhënë dorëheqjen nga pozicioni i tij si zëvendëspresident i inxhinierisë së Google. Ai dëshiron t’i përkushtohet paralajmërimit për anën e errët të inteligjencës artificiale (AI), sipas asaj që tha në një intervistë për ‘The New York Times’. Ai nuk është thjesht ndonjë viktimë: I lindur në Ëimbledon 75 vjet më parë, ky britanik me bazë në Kanada është një legjendë në këtë disiplinë. Puna e tij ka qenë vendimtare në ndriçimin e disa teknikave që kanë bërë të mundur shumë projekte kibernetike dhe teknologjike. Pararoja e shkencës elektronike, por që tashmë duket se është bërë pishman. Dhe sugjeron se njerëzimi duhet të gjejë me patjetër një zgjidhje për ta parandaluar AI që të bëhet më inteligjente nga raca humane. Në të kundërt dëmet do të ishin të pariparueshme dhe robotika mund të merrte peng njerëzimin si nëpër filma. “Nëse ka ndonjë mënyrë për të kontrolluar inteligjencën artificiale, ne duhet ta zbulojmë atë përpara se të jetë tepër vonë. Duhet ta ndalojmë para se të bëhet më e zgjuar apo inteligjente se njerëzit”. Ai shton ndër të tjera se bota duhet t’i frikësohet kësaj teknologjie.
“Kumbari” i Inteligjencës Artificiale: Duhet ta ndalojmë, para se të bëhet më e zgjuar se ne!
