Kryeministri i Kosovës Albin Kurti i ka dërguar një letër ngushëllimi, kreut të Bashkisë së Shkodrës Benet Beci për humbjen e të atit, akademikut të njohur Bahri Beci.
Profesor Beci u nda nga jeta pak ditë më parë.
“Emrin e akademik Bahri Becit e kam hasur për herë të parë pak vite pas luftës në Kosovë, kur mes librave të kolanës “Fryma” pata hasur edhe librin “Probleme të politkës gjuhësore dhe planifikimit gjuhësor në Shqipëri”.
Atë kohë në Kosovën e sapoçliruar dhe të hapur për diskutime të lira flitej dhe debatohej ndër të tjera edhe për dallimet mes dialekteve të shqipes dhe nëndialekteve të gjuhës sonë, tema këto që akademiku Bahri Beci i ka trajtuar dhe studiuar seriozisht dhe me kompetencë profesionale në aq shumë vepra dhe punime shkencore.
Shpresoj që mes veprave të shkruara dhe kujtimeve të babait tuaj të gjeni forcën për ta përballuar këtë dhimvje në të cilën nuk jeni vetëm” – i shkruan Kurti ndër të tjera kryebashkiakut Beci në letrën e publikusr nga DITA.
Bahri Beci la pas një pasuri të çmuar akademike për gjuhësinë shqiptare. Veprimtaria e tij shkencore është shtjelluar në fushën e dialektologjisë, të fonetikës, të gramatikës, të gjuhës letrare, të historisë së gjuhës, si edhe të marrëdhënieve të shqipes me gjuhët ballkanike.
Profesor Beci ishte anëtar i shumë asociacioneve kombëtare e ndërkombëtare. Për punën e tij ka marrë medalje nga Kuvendi dhe nga Presidenti i Republikës.
“Kurdo dhe sido që vdesin prindërit, cilado qoftë mosha e tyre dhe mosha jonë, gjithmonë është tronditje emodonale dhe goditje shpirtërore. Jam i sigurt që akademik Bahri Beci, siç na la gjithë ato vepra të shkruara, juve si familje e tij duhet t’ju ketë Iënë edhe shumë kujtime familjare me vetë shembullin e jetës së tij” – shkruan Kurti.
n.s. / dita
